SHKAQET MË TË ZAKONSHME TË DHIMBJES VAGINALE. ÇFARË TË BËNI PËR TË?

Dhimbja vaginale është tepër e zakonshme dhe mund të shaktohet për një sërë arsyesh.

Një dallim i rëndësishëm që duhet bërë është se dhimbja vaginale dhe dhimbja e vulvës janë të ndryshme. Dhimbja që ekziston në indet e jashtme të organeve gjenitale, si labia juaj, është dhimbje vulvare. Dhimbja e brendshme është dhimbje vaginale. Megjithatë, nuk është e pazakontë që të gjitha të kategorizohen nën termin “ombrellë” të dhimbjes vaginale.

Dhimbja vaginale mund të shkaktohet nga një mori kushtesh dhe simptomat e saj mund të ndryshojnë në varësi të shkakut themelor.

Në varësi të gjendjes, mund të përjetoni:

• Shpërthim
• Djegie
• Thumbim
• Pulsim
• Dhimbje gjatë marrëdhënies seksuale

Thatësi vaginale

Thatësia vaginale është një nga shkaqet më të zakonshme të dhimbjes vaginale gjatë dhe pas seksit. Marrëdhënia seksuale pa lubrifikim të mjaftueshëm mund të çojë në dhimbje dhe parehati vaginale. Madje mund të shkaktojë gërvishtje të vogla brenda vaginës, që mund të shkaktojnë dhimbje të vazhdueshme pas seksit.

Një nga arsyet më të zakonshme të thatësisë vaginale është estrogjeni i ulët, i cili mund të shkaktohet nga kontrolli hormonal i lindjes deri në perimenopauzë.

Perimenopauza, e cila ndodh pesë deri në dhjetë vjet para menopauzës, shpesh karakterizohet gjithashtu nga thatësia vaginale. Kur trupi kalon në perimenopauzë, nivelet tuaja të estrogjenit bien, gjë që mund të shkaktojë thatësi vaginale dhe të çojë në penetrim të dhimbshëm.

Nëse nuk mund ta përcaktoni thatësinë tuaj vaginale me kontrollin hormonal të lindjeve ose ndryshime të tjera hormonale në trupin tuaj, hidhini një sy ilaçeve kundër alergjive. Antihistaminet si Zyrtec ose Claritin ditor funksionojnë duke tharë membranat e mukozës në trupin tuaj, duke përfshirë vaginën tuaj.

Periodat tuaja

Ju ndoshta jeni njohur me dhimbjet menstruale, fryrjen dhe simptomat e tjera të PMS – por dhimbja vaginale mund të vijë edhe me menstruacionet. Një simptomë e zakonshme premenstruale është edema në vaginë (mbledhja e ujit), e cila shkaktohet nga luhatjet në hormonet tuaja. Edema në vaginë zakonisht shkaktohet nga nyjet limfatike ose venat e bllokuara. Kjo mbledhje e ujit mund të çojë në dhimbje dhe butësi në indin tuaj vaginal. Kjo lloj dhimbje vaginale duhet të jetë relativisht e vogël, dhe nëse nuk është kështu, duhet të flisni me mjekun.

Fibroidet

Një fibroid është një rritje jo kanceroze në mitër. Ju mund të keni një ose disa, dhe në varësi të madhësisë dhe vendosjes së saj, rritja mund të shkaktojë dhimbje kronike të legenit që disa e përshkruajnë si një ndjenjë e vazhdueshme presioni dhe jo dhimbje të mprehtë.

Fibroidet gjithashtu mund të shkaktojnë dhimbje të mprehtë gjatë marrëdhënies seksuale, veçanërisht nëse fibroma po rritet pranë qafës së mitrës ose skajit të sipërm të vaginës. Gjatë menstruacioneve, dhimbja mund të jetë më e theksuar, veçanërisht nëse fibroidi po rritet në mënyrë të tillë që të ushtrojë presion në muret e mitrës.

Fibroidet janë shumë të zakonshme dhe kanë më shumë gjasa të zhvillohen me kalimin e moshës. Një ofrues i kujdesit shëndetësor mund të diagnostikojë fibroidet me një ekzaminim të legenit, por ai ka të ngjarë të konfirmojë diagnozën dhe të dijë më mirë se ku është saktësisht dhe sa i madh është me teste si ultratingulli.

Ndërsa disa fibroide mund të kenë nevojë të hiqen, veçanërisht nëse dhimbja po ndërhyn në cilësinë e jetës suaj. Ndonjëherë fibroidet tkurren kur dikush i afrohet menopauzës.

Endometrioza

Endometrioza është një gjendje inflamatore ku indet e mitrës gjenden në struktura jashtë mitrës si tubat fallopiane, fshikëza ose rektumi. Endometrioza gjendet zakonisht në legen, por mund të gjendet në çdo organ të trupit.
Simptomat e endometriozës përfshijnë, por nuk kufizohen vetëm në:

• Dhimbje pelvike
• Lodhja
• Problemet me tretjen
• Steriliteti

Disa njerëz përjetojnë dhimbje të lidhura me endometriozën vetëm gjatë menstruacioneve, ndërsa të tjerët kanë simptoma të vazhdueshme gjatë gjithë muajit. Dhimbja e lidhur zakonisht me endometriozën mund të përhapet në nervat në vulvë dhe vaginë, gjë që mund të shkaktojë vështirësi. Më rrallë, lezionet e endometriozës mund të shfaqen edhe në vaginë dhe vulvë.

Standardi i artë për kujdesin e endometriozës është kirurgjia e ekscisionit, një procedurë ku një kirurg do të heqë plotësisht lezionet e dukshme të endometriozës. Trajtimet hormonale, si kontraceptivët oralë dhe pajisjet intrauterine (IUD), mund të parandalojnë rritjen e lezioneve dhe të zvogëlojnë simptomat, por ato nuk i heqin qafe lezionet.

Adenomioza

Adenomioza ndodh kur endometriumi, rritet në shtresat muskulore të mitrës.

Simptomat e adenomiozës janë të ngjashme me endometriozën dhe përfshijnë:

• Dhimbje pelvike
• Dhimbje vaginale
• Seks i dhimbshëm
• Menstruacione të rënda ose të parregullta

Një histerektomi, një procedurë që heq mitrën, mund të kurojë adenomiozën, por mund të mos jetë një opsion për njerëzit që kërkojnë të mbeten shtatzënë në të ardhmen. Kontraceptivët hormonalë mund të ndihmojnë në lehtësimin e simptomave për ata që duan të ruajnë fertilitetin e tyre, por nuk po përpiqen të mbeten shtatzënë. Një tjetër opsion është një procedurë e njohur si neurektomi presakrale, e cila shkëput nervat që dërgojnë sinjale dhimbjeje nga mitra në tru.

Infeksionet seksualisht të transmetueshme

Shkaku më i zakonshëm i dhimbjes vaginale janë infeksionet. Për shembull, dhimbja e legenit, vulvës dhe vaginës janë simptoma të një numri infeksionesh seksualisht të transmetueshme (IST).

Klamidia dhe gonorrea, dy IST bakteriale, mund të shkaktojnë dhimbje të legenit ose në pjesën e poshtme të barkut, si dhe një ndjesi djegieje gjatë urinimit. Nëse nuk trajtohet, ose mund të çojë në një infeksion shumë më serioz të quajtur sëmundja inflamatore e legenit (PID), e cila ndodh kur bakteret kalojnë në mitër dhe pjesë të tjera të traktit të sipërm riprodhues. Shenjat përfshijnë dhimbje të legenit dhe dhimbje gjatë seksit. PID kërkon kujdes të menjëhershëm mjekësor, pasi mund të çojë në infertilitet nëse nuk kapet në kohë.

Nëse jeni duke përjetuar dhimbje të legenit, vulvës ose vaginës dhe jeni seksualisht aktive, bëni një bisedë me obstetër-gjinekologun tuaj për t’iu nënshtruar testimit të IST. Shumica e IST-ve mund të trajtohen me ilaçe me recetë.

 

Vulvodinia dhe vaginizmi

Nëse vulva juaj ndihet kronike e lënduar ose e fryrë – aq shumë sa të dhemb kur prekeni, vishni të brendshme dhe uleni për periudha të gjata kohore – mund të keni një gjendje të quajtur vulvodinia.

Nëse keni dhimbje vaginale që e bën penetrimin e çdo lloji të dhimbshme – duke përfshirë futjen e një tamponi – mund të keni një gjendje të ngjashme të quajtur vaginizëm.

Ekspertët nuk e dinë me siguri se çfarë e shkakton vulvodininë dhe vaginizmin, por ato mund të shkaktohen nga dëmtimi i nervit, alergjitë ndaj kimikateve, ndryshimet hormonale, mjekimi ose një përgjigje jonormale ndaj një infeksioni ose traume. Pacientët me endometriozë ose lloje të tjera të dhimbjes së legenit mund të përjetojnë vulvodini dhe vaginizëm.

Nuk ka kurë përfundimtare për vulvodininë ose vaginizmin. Sidoqoftë, nëse keni njërën nga këto kushte, bisedoni me ofruesin tuaj të kujdesit shëndetësor për terapinë fizike të dyshemesë së legenit (PT). Një fizioterapist mund t’ju mësojë se si të kryeni ushtrime, si dhe të përdorni trajtime të tjera, të tilla si zgjeruesit vaginal , për të përmirësuar simptomat tuaja.

Pacientë të tjerë gjejnë ilaçe holistike si kanabisi mjekësor, supozitorët CBD dhe lubrifikantë të dobishëm për të lehtësuar simptomat.

Kist i vulvës

Nëse keni një gungë të dhimbshme në vulvën tuaj, mund të jetë një kist i vulvës, i njohur gjithashtu si kist Bartholin. Kjo ndodh

si rezulat i mbajtjes apo bllokimit të rrjedhjes së likidit të prodhuar ne gjëndër. Nëse një kist Bartholin është mjaft i madh dhe

mjaft shqetësues, ai do të kërkojë drenazh kirurgjikal.

Gjëja më e rëndësishme për të bërë është të mos e ngacmoni atë. Nëse vazhdon ju shqetëson vërtetë, drejtohuni tek obstetër-gjinekologu juaj.

Përmbledhje

Nëse jeni duke përjetuar dhimbje vaginale, mbani mend këtë: Vetëm për shkak se kjo lloj dhimbjeje është e zakonshme, nuk do të thotë se është normale – shpesh mund të jetë një shenjë se diçka nuk është në rregull.

Dhe edhe nëse nuk është diçka serioze, kjo nuk do të thotë që ju nuk duhet ta trajtoni atë.

 

Burimet: Health/Përktheu për JoTabu.al: Anjela Hajdari