Përse kam gjakderdhje pas marrëdhënieve seksuale?

Ka shumë arsye përse një grua mund të ketë gjakderdhje pasi ka kryer marrëdhënie seksuale.

Shkaqet e gjakderdhjes pas aktit seksual

Gjakderdhja pas seksit mund të jetë shenjë e një gjendje shëndetësore:

• Infeksion, si sëmundja inflamatore pelvike, ose një infeksion seksualisht i transmetueshëm, si klamidia.
• Tharje vaginale (vaginiti atropik) i shkaktuar nga pakësimi i sekrecioneve pas menopauzës.
• Dëmtime në vaginë, çarje të shkaktuara nga lindja e fëmijës ose gjatë aktit seksual.
• Polipet cervikale ose endometriale (masa beninje ose jo-kancerogjene që rriten në mitër ose në veshjen e brendshme të zverkut).

Në raste më të rralla, gjakderdhja pas aktit seksual mund të jetë shenjë e kancerit cervikal ose vaginal.

Analizat dhe ekzaminimet

Në varësi edhe të simptomave të tjera dhe historisë mjekësore, mjeku gjinekolog mund t’ju rekomandojë kryerjen e disa testeve ose ekzaminimeve, si:

• Test shtatzënie (në varësi të moshës)
• Ekzaminim pelvik
• Kontroll i zverkut nëpërmjet një pajisjeje të quajtur spekulum.

Nëse problemi është shkaktuar nga tharja vaginale, mjeku mund t’ju rekomandojë të përdorni xhel lubrifikues.

Burimi: NHS / JoTabu.al