Kistet në vezore, cilat janë simptomat dhe si t’i parandalojmë

Nga gjinekologia Kozeta Mustafaraj:

Kistet ovariane janë qese të mbushura me likuid (lëng), të cilat gjenden në sipërfaqen e vezores (vezorja është organ gjenital femëror përgjegjës për prodhimin e hormoneve seksuale femërore dhe riprodhimin human).

Tek femrat, çdo cikël menstrual formohen folikujt (qelizat vezë) folikuli ovarial me përmasa më të mëdha se 2 cm, mund të quhet kist ovarian. Shumica e tyre janë me natyrë beninje (jo kancerogjene).

Format më të shpeshta të kisteve

• Kisti funksional, i cili është i lidhur me ciklin menstrual dhe mund të zhduket në shumicën e rasteve spontanisht pa mjekim.
• Kisti endometriozik (endometriom), ku zhvillohet si rezultat i endrometriozës, gjatë së cilës qelizat endometriale vendosen jashtë mitrës.
• Kisti dermoid (teratom), i cili mund të ketë përmbajtje solide, p.sh. flokë, dhëmbë.

Simptomat e kisteve në vezore janë:

• Dhimbje mesi dhe barku
• Dhimbje gjatë aktit seksual
• Ndryshime të pakuptueshme në peshë
• Kur keni skuqje dhe kruajtje të organeve të jashtme
• Nuk keni një fluks normal të ciklit menstrual
• Keni vonesa të ciklit menstrual

Si t’i parandalojmë:

• Kontroll periodik te mjeku gjinekolog për të bërë një vlerësim të kuadrit klinik të përgjithshëm të gruas
• Vlerësimi me seriozitet i çdo lloj shqetësimi, pavarësisht se në dukje mund të duket normal
• Mjekimi dhe trajtimi në kohën e duhur
• Mënyra e jetesës së rregullt.

Tek mënyra e rregullt e jetesës përfshihen:

• një regjim ushqimor i pasur, sidomos me vitamina
• pasja e një partneri fiks
• përdorimi i metodave kontraceptive të duhura
• mospërdorimi i duhanit, alkoolit dhe drogave
• higjienë personale maksimale