Abuzime seksuale në shkolla, vrasje të grave/ Rrjeti “Zëri i të Rinjve”: Të ndërmerren masa të menjëhershme

Rrjeti i Organizatave “Zëri i të Rinjve” ka ndjekur me shqetësim ngjarjet e fundit që kanë ndodhur në vendin tonë, vrasja e grave dhe abuzimet seksuale në shkollë, që nga momenti i publikimit të tyre në media. Nëpërmjet kësaj deklarate publike Rrjeti i Organizatave “Zëri i të Rinjve” kërkon që të tërheqë vëmendjen e autoriteteve për t’i trajtuar këto çështje me përparësinë e duhur dhe me një kujdes të veçantë etik dhe profesional. Duke pasur parasysh natyrën e ngjarjeve, nxisim dhe kërkojmë nga autoritet përgjegjëse për trajtimin profesional në përputhje me normat dhe detyrimet që parashikon Kodi i Drejtësisë Penale për të Mitur.

Rrjeti i Organizatave “Zëri i të Rinjve” kërkon:

1. Marrjen e hapave ligjore dhe institucionale për të parandaluar këto veprime dhe për të siguruar një ambient të sigurt për fëmijët dhe të rinjtë në të gjitha shkollat e vendit, si dhe zbatimin e urdhërave të mbrojtjes për gratë e dhunuara.
2. Autoritetet përkatëse të marrin masa për mbrojtjen e të dhënave personale dhe jetës private të të miturve dhe familjeve të ekspozuara në këto raste (përcaktime të parashikuara nga nenet 33/b dhe 43 të Kodit të Drejtësisë Penale për të Mitur).
3. Institucionet shtetërore përkatëse, shoqëria civile, komuniteti duhet të reagojnë në mënyrë të menjëhershme për të ngritur mekanizma për raportimin e shpejtë dhe profesional të dhunës në familje dhe në institucionet e edukimit.

Kjo deklaratë mbështetet nga organizatat, anëtare të rrjetit “Zëri i të Rinjve”, si më poshtë:

1.       AIESEC Albania 2.       Aksion Plus 3.       Albania Community Assist 4.       Fondacioni Arsimor Shqiptar 5.       Grupi Shqiptar i të Drejtave të Njeriut 6.       Grupimi “Pesë Plus” 7.       H.A.N.A 8.       INFINIT PLUS 9.       Klubi i të Rinjve “Petro NINI” 10.   Observatori për të Drejtat e Fëmijëve dhe të Rinjve 11.   Qendra “ACT for SOCIETY” 12.   Qendra “Epoka e Re”

13.   Qendra Media dhe Çështjet Shoqërore 14.   Qendra Shqiptare për Popullsinë dhe Zhvillimin (ACPD) 15.   Qendra TED (Trajnim, Edukim, Demokraci) 16.   Roma Active Albania 17.   Rrjeti Kombëtar i Edukatorëve Bashkëmoshatarë -Y-PEER Albania 18.   SOS Fshatrat e Fëmijëve-Shqipëri 19.   Together for Life 20.   Young Men’s Christian Association 21.   Young Women’s Christian Association