Infeksionet urinare, si t’i parandalojmë

Mund të merrni masa për uljen e rrezikut për zhvillimin e infeksioneve të traktit urinar:

Pini shumë lëngje, sidomos ujë. Konsumimi i ujit bën që të urinoni më shpesh, kështu bakteret dalin nga trakti urinar para se të zhvillohet një infeksion.

Pini lëng boronice – Edhe pse studimet janë paksa kontradiktore nëse lëngu i boronicës parandalon infeksionet urinare, e rëndësishme është që ky lëng nuk është i dëmshëm.

Pastrohuni nga para-pas – Ky veprim parandalon përhapjen e baktereve nga pjesa anale tek vagina dhe uretra.

Boshatisni fshikëzën e urinës menjëherë pas aktit seksual. Pini gjithashtu një gotë me ujë për të nxjerrë jashtë bakteret.

Shmangni produktet kozmetike që shkaktojnë irritime. Përdorimi i deodorantëve apo pudrave në pjesët gjenitale mund të irritojë uretrën.

Ndryshoni metodën kontraceptive. Diafragmat ose prezervativët e palubrifikuar mund të çojnë në zhvillimin e baktereve.

Burimi: Mayo Clinic