MËNYRA SE SI GJINJTË TUAJ NDRYSHOJNË NË TË 40-AT

Pasi të keni mbushur 40 vjeç, nuk është e pazakontë të vëreni disa shenja të plakjes. Ndërsa disa nga ndryshimet nuk janë krejtësisht të papritura, një ndryshim i njohur, por shpesh befasues është madhësia, forma dhe ndjesia e gjoksit tuaj.

Sa dramatik është transformimi  dhe shpesh është i lidhur ngushtë me ndryshimet në ciklin tuaj menstrual. Në këtë kohë në jetën tuaj, ju jeni duke hyrë në perimenopauzë. Gjatë perimenopauzës, vezoret tuaja bëhen më të vogla dhe prodhojnë më pak estrogjen. Kjo fazë mund të zgjasë nga mosha 45 deri në 55 vjeç, por mund të ndodhë edhe më herët ose më vonë.

Këto ulje-ngritje hormonale gjatë perimenopauzës mund të përkthehen në ndryshime në ciklin tuaj menstrual. Ato gjithashtu mund të shkaktojnë ndryshime në gjoksin tuaj pas moshës 40 vjeç, siç mund të shtohet në peshë dhe, natyrisht, thjesht plakja.

Pse gjinjtë bëhen më të mëdhenj me kalimin e moshës?

Teknikisht, ata nuk e bëjnë. Nuk është mosha ajo që e bën gjoksin tuaj të rritet. Është shtimi në peshë me kalimin e moshës.

Ruajtja e peshës tuaj mund të ndihmojë që gjoksi juaj të mbetet në madhësinë me të cilën jeni mësuar. Mbajtja e peshës tuaj nën kontroll gjithashtu lehtëson butësinë dhe ndjeshmërinë. Plus, stërvitja mund të ndikojë pozitivisht në nivelet e estrogjenit, duke ju ndihmuar të mbani peshën e padëshiruar.

Në fund të të 40-ave dhe më vonë, mund të vëreni se gjoksi juaj ndryshon në mënyrë të kundërt. Në menopauzë, është normale të humbni yndyrën, indet dhe gjëndrat në gjinjtë tuaj. Kjo mund të bëjë që gjoksi juaj të duket më i vogël dhe më pak i mbushur.

Këtu janë pesë ndryshime të tjera të gjoksit që mund të përjetoni në të 40-at dhe mënyrat për t’i parandaluar, ngadalësuar dhe menaxhuar ato.

Gjinjtë tuaj bëhen tepër të ndjeshëm

Ndërsa hyni në perimenopauzë, cikli juaj menstrual mund të ndryshojë, mund të bëhet më i gjatë ose më i shkurtër se zakonisht.

Gjinjtë e butë dhe të ndjeshëm janë relativisht të zakonshëm para dhe gjatë paramenopauzës. Dhimbja në përgjithësi përshkruhet si një rëndim, shtrëngim, siklet ose ndjesi djegieje në indin e gjirit. Mund të ndodhë vetëm në njërin gji ose në të dy.

Ndërsa nuk mund ta ndaloni orën tuaj hormonale, mund të jeni në gjendje të lehtësoni dhimbjet e gjoksit në mënyra të tjera:

• Vishni recipeta sportive të përshtatshme: Mund të ndihmojë në minimizimin, mbajtjen dhe mbështetjen e gjoksit tuaj për të reduktuar dhimbjen.
• Përdorni kompresa të nxehta dhe të ftohta: Provoni këtë teknikë para gjumit, veçanërisht nëse keni probleme me gjumin për shkak të dhimbjes së gjoksit.
• Ndryshoni dietën tuaj: Mund të filloni duke reduktuar ose eliminuar sasinë e çajit, kafesë, çokollatës dhe pijeve joalkoolike të gazuara. Ju gjithashtu mund të ndiqni dieta me pak yndyrë të lartë në vitamina dhe fibra.
• Aktiviteti fizik gjithashtu mund të ndikojë pozitivisht në mënyrën se si trupi juaj prodhon dhe përdor estrogjenin. Mos e anashkaloni stërvitjen nëse gjoksi juaj ndjehet i butë.
• Përdorni ilaçe kundër dhimbjeve: Ju mund të qetësoheni nga ibuprofeni ose acetaminofeni dhe NSAIDs. Ilaçet kundër dhimbjeve mund të aplikohen në lëkurën e zonës së ndjeshme (në vend) ose të merren si pilulë (nga goja).
• Konsultohuni me mjekun: Medikamente me recetë janë gjithashtu të disponueshme për të trajtuar dhimbjen e gjirit.

Rritja e gjoksit shfaqet pas të 40-tave

Ju ndoshta nuk do të shihni shumë rënie në të 40-at tuaja. Deflacioni serioz zakonisht nuk ndodh deri në të 50-at, kur jeni në postmenopauzë dhe nivelet e estrogjenit janë në një nivel të ulët. Humbja e indit lidhor në këtë kohë është një arsye kryesore për këtë ndryshim. Humbja e indeve do të thotë më pak elasticitet dhe më shumë varje.

Lëkura mbi gjoksin tuaj ofron mbështetje strukturore. Në mesin e të 20-ave, elasticiteti i lëkurës së gjirit fillon të bjerë; në rreth 45 vjeç, filloni të humbni edhe trashësinë e lëkurës. Këto ndryshime çojnë në uljen e mbështetjes, e njohur ndryshe si rënie.

Ju gjithashtu keni ligamente që ndihmojnë në mbështetjen e gjoksit tuaj. Këto ligamente quhen ligamente Cooper. Me kalimin e kohës dhe me kalimin e moshës, këto ligamente shtrihen, duke rezultuar në varje.

Këto ndryshime janë thjesht estetike, por nëse po ju shqetësojnë, mos kurseni në aktivitet fizik. Forcimi i muskujve pas gjinjve tuaj mund të ndihmojë në zvogëlimin e shfaqjes së varjes.

Shfaqen më shumë gunga

Ndryshimet në gjoksin tuaj mund të ndodhin në çdo moshë. Për shembull, ndryshimet në indin fibroz të gjinjve tuaj dhe/ose kistet – ndryshimet fibrocistike – janë shumë të zakonshme në të 30-at ose 40-at.

Ju mund të vini re se gjoksi juaj ndihet më i rrumbullakosur, gjë që në përgjithësi nuk është për t’u shqetësuar për sa kohë që ndryshimet janë të ngjashme në të dy gjinjtë. Është gjithashtu normale që gjinjtë tuaj të ndihen gjithnjë e më të ngurtësuar me afrimin e periodave.

Kur jeni afër menopauzës, mund të vini re gjithashtu ndryshime. Gungat e gjirit janë të zakonshme në këtë kohë dhe zakonisht janë jo kanceroze.

Kur jeni në dyshim – ose nëse papritur gjeni një gungë që nuk ishte aty muajin e kaluar ose nuk zvogëlohet pas fillimit të menstruacioneve tuaja – konsultohuni me mjekun për ta kontrolluar atë.

Dendësia e gjirit mund të ndryshojë

Dendësia e gjirit nuk është diçka që mund ta ndjeni. I referohet sasisë së yndyrës që keni përkundrejt sasisë së indeve më të dendura si gjëndrat dhe kanalet. Mamografia është mënyra e vetme për të ditur nëse keni gjoks të dendur.

Gjinjtë e dendur janë mjaft të zakonshëm. Rreth gjysma e të gjitha grave të moshës 40 vjeç e lart që bëjnë mamografi kanë gjoks të dendur. Terapia hormonale gjatë menopauzës dhe një indeks i ulët i masës trupore shoqërohet me densitet më të lartë të gjoksit. Të rritesh dhe të pasurit fëmijë mund të ulë dendësinë e gjoksit.

Dendësia e gjirit është e rëndësishme sepse e bën më të vështirë për radiologët të dallojnë kancerin në një mamografi dhe dendësia në vetvete duket se rrit rrezikun e kancerit të gjirit.

Gjinjtë bëhen më të prirur ndaj kancerit

Pavarësisht nëse keni gjinj të dendur apo jo, rreziku i zhvillimit të kancerit të gjirit rritet me kalimin e moshës. Ekzaminimi për kancerin e gjirit mund t’ju ndihmojë të dalloni ndryshimet në një fazë të hershme. Mamografia është e rëndësishme sepse u jep mjekëve një referencë për krahasim nëse ndonjë ndryshim shihet më vonë në jetë.

Që nga maji 2023, Task Forca e Shërbimeve Parandaluese të SHBA (USPSTF) rekomandon që gratë cisgjinore dhe personat e caktuar femra në lindje të bëjnë mamografi çdo dy vjet duke filluar nga mosha 40 vjeç. Kjo është 10 vjet më herët se udhëzimet aktuale.

Këtu janë këshilla se si mund të jeni proaktiv për shëndetin tuaj për të ndihmuar në uljen e rrezikut të zhvillimit të kancerit të gjirit:

• Mbani një peshë të shëndetshme.
• Jini fizikisht aktiv.
• Mos pini alkool.
• Konsultohuni me mjekun për rreziqet e medikamenteve, duke përfshirë terapinë e zëvendësimit të hormoneve ose pilulat e kontrollit të lindjes.
• Ushqeni me gji, nëse është e mundur.
• Konsultohuni me mjekun nëse keni një histori familjare të kancerit të gjirit.

Përmbledhje

Ndërsa arrini moshën 40 vjeç dhe i afroheni paramenopauzës, ndryshimet hormonale do të shkaktojnë ndryshime në gjoksin tuaj. Përveç ndryshimeve në madhësinë, formën dhe elasticitetin e gjinjve tuaj, mund të vini re edhe më shumë gunga.

Plakja vjen me një rrezik në rritje të kancerit të gjirit. Përveç të qenit proaktiv në lidhje me shëndetin tuaj, është gjithashtu e rëndësishme që të jeni të përditësuar për ekzaminimet e gjirit dhe mamografitë. Zbulimi i hershëm është jetik për trajtimin.

Burimi:Health /Përktheu për JoTabu.al: Anjela Hajdari