Takim “PO, UNË E MBËSHTES!”

Klubi i të rinjve për të drejtat e njeriut do të fokusohet në deklaratën universale të drejtave të njeriut. Studentët do të ftohen të bëhen pjesë e klubit. Në hyrje të takimit një djalë dhe një vajzë do të mirëpresin dhe pyesin pjesëmarrësit “A i mbështesni të drejtat e njeriut”- dhe personat që do të pohojnë do të lejohen të bëhen pjesë e takimit.

Organizon: Klubi i të rinjve Petro Nini Luarasi

Vendi: Tiranë

World Coffee – forum i hapur me nxënësit e një shkolle të mesme në Durrës dhe një në Shkodër

Forumi i hapur synon të rrisë ndërgjegjësimin dhe të forcojë kapacitetet e të rinjve në identifikimin e rasteve të shkeljes së të drejtave të njeriut ndërmjet nxënësve të rinj të shkollave të mesme në Durrës dhe Shkodër.

Organizon: FASH

Vendi: Durrës, Shkodër

Festivali i Artit

Mesazhe mbi të drejtat e të rinjve do të përcillen tek komuniteti nëpërmjet artit.

Ky festival do t’i japë mundësinë të rinjve të promovojnë veten dhe të japin mesazhe për të drejtat e njeriut nëpërmjet aktrimit, ekspozitave, muzikës, flash mob-it.

Organizon: Epoka Re

Vendi: Fier